Thaum dej dag nyab qab ntuj tas tsuas tshuav Liaj Lwg thiab Rhwv Mws nkawd los ua neej nyob ntiaj teb, tsis muaj noob xyoob coj los ua Vab...
Thaum dej dag nyab qab ntuj tas tsuas tshuav Liaj Lwg thiab Rhwv Mws nkawd los ua neej nyob ntiaj teb, tsis muaj noob xyoob coj los ua Vab Tshaus, thiaj hais zaj no los taij Puj Saub thiab Yawm Saub nkawd thiab Puj Zaj Yawm Zaj. Zaj no hais los tsim lub Vab Tshaus tso rau saum lub rooj es yuav coj los rau 4 tus qaib qaib qhia tsiaj.
Hais zoo li yuas kwv luag ais!! zoo li os, zoo li hnub txheej yig li thaum i!! Liaj Lwg nws yuav pws tshoob ais, tshuaj theeb vab tshaus ncau raug tsis muaj yuas, Rhwv lim Mws os nws yuav pws kos, zoo li uas tus tshuaj theeb vab tshaus ncau raug tsis los, hnub txheej yig thaum i uas ntiaj teb nrag li cais, noob xyoob ntxheb raug tsis muaj yuas, noob xyoob ntxhov raug tsis tau, noob xyoob ntxheb ces pw li ko lawm puj li saub teb, noob xyoob li ntxhov ces os pw li ko saub li yawm chaw!!.
Zoo li ais Liaj Lwg muaj txug tseg zoo txuj yuas, Liaj Lwg thiab Rhwv Mws muaj txug tseg zoo ci, Liaj Lwg ntauj yees lawm puj zag teb!!, ntaug yees saum yawm zaj li chaw ais, Puj zag yuas puj zag zoo li ntiaj teb yuav pws tshoob ais, noob xyoob ntxheb raug tsis muaj yuas, noob xyoob txhov raug tsis tau!!, puj zag tias Liaj Lwg yuas Liaj Lwg ntiaj teb noob xyoob ntxheb raug tsis tau ais, noob xyoob ntxheb ces pw li ko puj saub teb, noob xyoob ntxhov ces pw li ko saub li yawm chaw.
Zoo li Liaj Lwg ntaus li yees mus txog puj saub teb yuas, noob xyoob ntxheb ces nyob lawm puj saub saub tej qab vag mus tsi peg, zoo li noob xyoob ntxhov ces pw li ko lawm puj saub tej qab vag muss tsi taug os, zoo li Liaj Lwg tsuas seev qas yees tias puj saub ntiaj teb yuav pws tshoob os, noob xyoob ntxheb raug tsis muaj yuas, zoo li ntiaj teb nrag li cais yuav pws ko os, noob xyoob ntxhov raug tsis los, zoo li, zoo li ais puj saub tias, zoo li muab peb teg noob xyoob ntxheb ces os, w li ko rau ntiaj teb zoo li Liaj Lwg ntaus yeev los txog noob xyoob ntxheb ces os pw li ko puj zag qab zaj pag nrhau tsis taus cag, zoo li noob xyoob ntxhov ces poob li nroos rau qab zaj pag dub nrhau tsis taus ku yuas.
Zoo li Liag lwg li rov ntaus yeev mus txog ais, Liaj Lwg tias puj saub yuas puj saub, noob xyoob ntxheb ces poob lis nroos rau qab zaj pag nrhau tsis taus cag, noob xyoob ntxhov ces poob lis nroos rau qab pag dej dub nrhau tsis taus ku, zoo li uas puj saub thiaj muab peb teg noob xyoob ntxheb w li laws nrog cua daj yuas, cua moj lig kaw nplawm lis ntwg rau ntiaj teb, poob lis nroos rau twv av mus luaj dub, ntuj qhuav ntuj lis qhub, teb qhuav teb li qho ais, noob xyoob ntxheb nrhau tsis taus caj yuas, zoo li noob xyoob ntxhov tsis nrhau taus kaus os.
Liaj Lwg tsuas ntaus xov lis zees rau puj li saub teb ais, Puj saub ntaus ntawv li zees rau nqaum ntuj peg ceeb tsheej lis u, kom puj xob nrog nthe li nqhawv mog os, ua lub ntuj tsaus qos hawv yuas os, xob yawm nthe qas nqho os, lub ntuj tsaus qas ho os, ua dej liab dej oo zoo li dej liab dej oo dej nag ntshau li tsawv mog os, dej nag tshia li hawv no os, zoo li tsuas ua ntuj ntshoo li ho os puj xob nthe li
nqho nag tshauv nag tshia li tshis, ttshia li ho, zoo li ntiaj teb nrog muaj nag os, noob xyoob ntxheb li nrog nrhau cag, noob xyoob ntxheb nyob twv av mus luaj dub os, noob xyoob ntxheb li nrog nrhau
ku!!, zoo li noob xyoob ntxheb ces, ntxheb mus tis ua ntxheb tim toj li ub, noob xyoob ntxhov ces ntxhov mus tis ua ntxhov nyob tim teb li i, zoo li leej twg muaj txug tseg zoo txuj yuas, leej twg muaj txug tseg zoo ci yuas, zoo li puj mab yiv sis kws muaj txug tseg zoo nplooj siab, muaj txug tseg zoo nploos plawv muab, zoo li uas muab rab riag tooj hov niaj nwig peb hnub nraug ua zej yuas, muab riag tooj ncig yeev nyob ntau ntej yuas, muab riag hlau hov niaj peb tis mos, riag hlau hniav nraug ua rauv yuas, muab riag hlau ncig yeev sawv ntaus hauv yuas, zoo li mus tho nrawv mus tsis tho nru, tho nrawv nru txiav tau noob xyoob ntxheb niaj peb tis tu, zoo li uas phua tau coj los txog, phua tau plaub caug yim pluaj yuas, zob lawm niam mus peb tis mo, zoo li yuav txws tau tshuaj theeb vab tshaus ncau tus qhov mo os, yuav phua tau plaub caug yim pluaj yuas, zob lawm niaj peb tis hnub, thiaj txws tau tshuaj teeb vab tshaus ncau tus qhov soob.
Zoo li leej twg sawv ua luam ntuj yuas, yog tshuaj theeb vab tshaus ncau li sawv ua luam ntuj yuas, yog leej twg sawv ua luam ntxov yuas, yog tshuaj theeb vab tshaus ncau li sawv ua luam ntxob yuas os, ua luam loj lees txog nram roob mog os thiaj tig qaum qas ntsoov los ris kuv niam kuv txiv tog ub tog no 4 tus qaib mus qhia tshoob yuas, zoo li, zoo li uas tshuaj theeb vab tshaus ncau ces, ua luam loj lees zoo li txog nram to os tig qaum qas ntsoov los ris tog no plaub tug qaib mus qhia kos no os tis yuas kwv luag os.
Zaj no kawg li no xwb. Zaj no mas yog zaj tsim lub vab tshaus coj los rau 4 tus qaib xwb. Yog leej twg xav kawm los ho nyeem, leej twg tsis xav paub los tsis ua cas nawb.
COMMENTS