Dab Neeg Ntuj Tsim Teb Raug (Nqe 5)

Thaum lawv them 12 lag nyiaj thiab ib tsum mov rau yawg suav laus noj tas ces, yawg suav laus txawm hais tias: nej zaum zoo, zoo mloog es ku...

Thaum lawv them 12 lag nyiaj thiab ib tsum mov rau yawg suav laus noj tas ces, yawg suav laus txawm hais tias: nej zaum zoo, zoo mloog es kuv yuav piav qhia nej es nej mam li mus saib xyuas nej xwb mog, vim kuv laus, kuv mus tsis taus. Cov tub xav, xav ab! Ua li los tau. Thaum no yawg suav laus mam piav qhia tias: Looj mem zoo mas nej mus ntsia yog lub roob laug los zoo li tus ntxhw, looj mem nyob -ntawm tus cov txwv, zoo li tus nab, looj mem nyob ntawm tus tw, zoo li tus nees, looj mem nyob ntawm duav, zoo If tus nyuj, looj mem nyob ntawm taub hau, zoo Ii tus npua, looj mem nyob ntawm txiv ntswg. Thaum yawg suav qhia tag ces yawg suav rov mus tsev lawm, lawv thiaj mus xyuas tau ib qho zoo li tus zaj thiaj los kwv kiag lawv txiv coj mus tso kiag rau ntawm tus ntsis tw. Muab lawv txiv faus tas, lawv los txog saum ib lub roob siab, lawv los so zaum zom zaws txawm muaj ib tug noog rheeb caus yaum los quaj tsawv tse tias: "tseeb tseeb, tsum tsum!!" zaum no mas tuam Tsheej Xeeb cov kwvtij yuav tau ua faj tim huab tais kav txheeb txheeb vam, vam xyoo lawv  hnov li no ces lawv los txog tsev,Tuam Tsheej Xeeb txawm tham qhia nws niam tias: niam! Peb los txog torn roob peb so ua si, muaj ib tug noog rheeb caus yaum quaj tias: " tseeb tseeb, tsum tsum!! " zaum no mas Tuam Tsheej Xeeb cov kwv tij yuav tau ua faj tim huabtais kav txheeb txheeb, vam vam xyoo no tiag. Ces niam txawm teb tias: me tub kav 12 tiam twb zoo kawg tsis hais txheeb txheeb, vam vam xyoo li.

 Ces lawv los nyob ua noj ua haus tau peb xyoos. Xyoo tshiab tawm tuaj, cov tub nom, tub tswv yuav mus xeem huabtais lawm Pem Ceeb Tsheej, ces Tuam Tsheej Xeeb txawm thov ua lawv qhev nrog lawv mus. Tuam Tsheej Xeeb mus hais tias: nej pub kuv nrog nej mus, kuv tuaj yeem ua nej qhev hlais zaub nees pub nees, ntxhua khaub ncaws, ntxuav tais diav tib si. Thaum no cov tub suav xav xav, lawv thiaj kam, ces Tuam Tsheej Xeeb thiaj ua lawv qhev mus. Lawv mus ib hnub tsaus ntuj lawv pw hauv ib yig suav tsev, Tuam Tsheej Xeeb pw nraum mom kaum noj hmo tiav, kho chaw rau cov tub nom pw tag tus txiv suav hais rau nws tus poj niam tias: koj niam hnub no tuaj zoo ib pab txhiaj txiv yawg yuav tuaj xeem faj tim huab tais no cia kuv sim sim saib tus twg yuav tau tiag, tus txiv suav ua zag khawv koob tshuab kiag tag nrho rau, ib tsam ib tag hmo ob niam txiv suav sawv los xyuas pab tub nom pw pem hauv plag tib pab dub nciab, muaj ib lub nyuag teeb me me cig ntxi pliv, ntsia nraum mom kaum no ua ciav teeb fais fab ci ntsa iab pom kev lam lug thiab muaj cuaj tug zaj koos rawv, ces yawg txiv suav hais rau nws poj niam tias: tus yuav tau faj tim huab tais mas yog tus qhev nraud. Tag kis kaj ntug txoog, Tuam Tsheej Xeeb mus hlais zaub nees lawm, yawg suav tua kiag ib tug las npua ua tau ib tsum nqaij hno, yawg suav hais tias: tos tus nais los tso mam li noj mov, cov suav xav tias tseem tshuav tus nais twg thiab ne! Tos tos Tuam Tsheej Xeeb los txog txo nra kiag xwb, yawg suav mus tuav nkaus Tuam Tsheej Xeeb tes tias: me tub! Los nrog kuv noj ib pluag tshais, koj tsis paub kuv xwb, thaud koj niam thiab koj txiv yug tau koj me me kuv tuaj ua luam nkawv tsiv tsiv hmoov li nkawv muab koj khi tes ua kuv me nyuam no es kuv yog koj niam qhuav, txiv qhuav, ces rau tshais lawv noj tag.

Ces yawg suav muab tau ib tug txiv nees rau Tuam Tsheej Xeeb caij. Hnub ntawd lawv mus ib hnub tsaus ntuj, lawv mus pw hauv ib yig suav tsev, suav ua hmo rau lawv noj tag pua chaw rau cov tub nom pw ntawm hauv plag, hos Tuam Tsheej Xeeb pw nraum mom kaum, tus txiv suav hais tias: koj niam! Tuaj zoo ib pab txhiaj txiv yawg yuav tuaj mus xeem faj tim huab tais pem Ceeb Tsheej no cia kuv sim sim saib leej twg yuav tau. Yawg suav ua tib zag khawv koob tshuab kiag rau, ib tag hmo ob niam txiv suav sawv los xyuas, pab tub nom pw ua qaj nyaws nyog tso paus nrov nthim nthoom xwb, muaj ib lub nyuag teeb cig ntxi pliv xwb, nkawv ntsia nraum mom kaum no ua ciav teeb fais fab cig lam lug hos Tuam Tsheej Xeeb zaum sau ntawv Kawv kq muaj cuaj tug zaj koos rawv, yawg suav hais rau nws poj niam tias: koj niam! Tus yuav tau ua faj tim huab tais mas yog tus qhev no xwb. Tag kis kaj ntug txoos Tuam Tsheej Xeeb mus hlais zaub nees lawm, ob niam txiv suav ntes ntho ib tug heev nyuj coj los tua kiag ua tau ib tsum nqaij hnos pheej tsis noj li, yawg suav hais tias: ua siab ntev tos tus nais los tso mam li noj, cov tub nom suav xav tias tseem tshuav tus nais twg thiab ne. lb chim Tuam Tsheej Xeeb ev zaub nees los txog, txo nra kiag xwb, yawg suav mus tsa tes hlo tias: me tub! Mus nrog kuv noj pluag mov, koj tsis paub kuv xwb, thaum koj niam thiab koj txiv yug tau koj me me, koj niam koj txiv nkawv tsiv tsiv hmoov li, kuv tuaj ua luam es nkawv muab koj khi tes ua kuv me nyuam no. Kuv yog koj niam qhuav, txiv qhuav. Ces noj mov tag yawm suav muab tau ib rab hneev nrog ob xib xub rau tuam tsheej xeeb. Hnub ntawd lawv mus ib hnub mus txog pem ceeb tsheej pw ib hnos taig kis kaj ntug 8 thaus lawv mus sau npe tag luag muab ib lub nruas daj dai rau saum ib tug nqaj txij ru tsev, sau ib lub yeem rau nruab nrab sau yim lub yeem ncig ntug ces cov yuav xeem mam caij nees mus ib tug zuj zus. Caij nees khiav ceev ceev mus ncaj zog ces tsa hlo hneev tib hnee rau yog leej twg tua raug lub plawv dub nruab nrab mas tus ntawd tau huab tais, yog tua tsis raug mas tsis tau.

Ces cov tub nom suav xub tua ua ntej, lawv tua tas tsis raug li, muaj ib tug tuas raug ib hnee xub dai vias puag torn ntug xwb. Ces Tuam Tsheej Xeeb thiaj tsa tes hlo saum taub hau hu tias: Niam thiab txiv koob hnoov nqis los pab kuv, yeej koob, yeej huam yawm saub los pab hais tag li no ces nws caij nees rag ntws mus ncaj zog xuas tib hnee xub ntsia ntseeg nkaws lub plawv dub nruab nrab tig hlo rov xa tib hnee ntob nkaus lub plawv qub thiab ces neeg mas nim luag npuaj teg qw tsheej tsaug tias: Zaum no huab tais sawv lawm laud!! Thaum ntawd cov tub kav xwm thiaj hais tias: nej cov tuaj no ib tug tau lawm, nej rov qab mus so taig kis nej rov qab tuaj yog tus twg tau tiag mam li qhia paub ces hmo ntawd suav daws los pw. Taig kis kaj ntug txoog cov tub nom suav mus ua ntej tas lawm tshuav Tuam Tsheej Xeeb ib leeg xwb, nws ntxuav muag tas nws mam lawv qab mus, thaum yawg mus txog torn ntug zos xwb luag twb ua tswm ciab paj ntoos tuaj tos yawg thiab tso neeg tuaj kwv yawg mus zaum rooj huab tais lawm, ces luag thiaj muab ib tug suav coj los ua tug loos. Thaum no luag cia li coj Tuam Tsheej Xeeb mus nyob pem ceeb tsheej lawm. 16/ Tsam no Tuam Tsheej Xeeb mus ua huab tais tau 12 tiam li leej niam tau hais tseg ces nws tuag. Thaum ntawd Hmoob yuav mus quaj nyiav thiab pam raws kev cai, tab sis suav tsis kheev, suav hais tias: yog ib tug huab tasis lawm mas tsis pub neeg mus quaj, nyiav cias suav mam ua twb zoo pam xwb ces suav thiaj ntaus tau ib hwm txiag zeb coj los faus Tuam Tsheej Xeeb, thaum muab faus tas lawm ces hmoob xav xav tsis zoo siab, Hmoob thiaj mus hais rau suav tias: peb Hmoob mas tseem tshuav kev cai yuav tsum ua xwb mas ytiav mus muab ib yag pob txha coj los ua dab, ua qhua. Ces suav hais tias tsis tau. Yog yuav ua tiag mas tsuas mus nqa tau ib thooj av saum lub ntxa los ua xwb. Ces Hmoob thiaj los npaj dej, npaj cawv tau txhij, txhua ces thiaj mus nqa ib thooj av saum lub ntxa coj los ua plig. Zaum no suav daws thiaj sab laj tias: thaum ub yog tus phauj uas peb txiv xaiv tau nws los qhuab qhia peb Hmoob thiaj sawv tau huab tais, mas tarn sim no yuav tau mus hu ib tug phauj tuaj qhuab qhia peb ntxiv, ces suav daws thiaj hais tias: Yog li mas yuav tau muab ib tug nyuj tua ua ib tsum mov thov nws thiab muab ib sab nyuj rau nws thiab 12 lag nyiaj ntiav nws es mam kom nws tuaj qhuab ntuas, foom koob hmoov zoo rau peb ntxiv.

Continue Nqe 6